JOZIE, die land van goud Donker wolke pak bo die Heuningspruitbrug net anderkant Kroonstad Windpomp in die swaar lug lang gras staan gebuk en  die pienk en wit wink langs die N1 dan volg plate en plate vol sonskyn Ek’s oppad na Jozie,  gevlerkte vriende wat my volg in die gryse lug en nog plate en plate vol sonskyn met jare se seer wat so om my verdwyn Trok op trok, trailers en karavaan saam met die ongeduld wat hier langs my op die lang reguit verdwyn So ry ek die vakkansie verby oppad na Jozie  die land waar goud in die morestond skyn Links langs my die geel 500m SOS gekonnekteer met silver draad  aan iemand wat sal help om die seer te verstaan Nog net een bult, nog net een kruin aan die anderkant wag Jozie  na plate en plate van sonskyn Rooiwal en Vredefort môre bou ek vir ons ‘n kasteel van fyn naaldekokerdraad wat skitter in die groot blink maan Waarheen nou en waarvandaan? Ek’s oppad Jozie toe met wange wat net aanhou traan Dan nog plate en plate vol sonskyn wat help om die pyn te verstaan Ek breek die stilte en haar stem antwoord sag “Ek moet aanhou en op hom wag” opgewonde antwoord ek met “plate en plate vol sonskyn” Sy herhaal sag “Ek sal hom se,  maar jy sal asb moet wag” Sag en weerloos,  stukkend en broos hier hang ek saam met my gevlerkte vriende bo die donker swaar lug en onder my volg plate en net nog plate vol sonskyn Waar kom ons hulp vandaan? My hulp kom van die Here  wat hemel en aarde geskape het, laat Sy wil geskiet en  so ons versoening wees. Donker wolke pak bo die Heuningspruitbrug net anderkant Kroonstad Windpomp in die swaar lug lang gras staan gebuk  die pienk en wit wink langs die N1 gevolg met plate en plate vol sonskyn Ek’s oppad Jozie toe met gevlerkte vriende wat my volg in die gryse lug en nog plate en plate vol sonskyn… dorettepotgieter ©