Corli Groeneveld - My Kamer het Groot Vensters

About the Author:
Corli Groeneveld
Corli Groeneveld

Place of Birth: Scottburgh
Date of Birth: 16/10/1969

Other Literary works:

Afrikaans:
Chilli Pretzels met Bloukaas
Einde se Duet
Doemprofeet
My Kamer het Groot Vensters
Vinger

English:
With or Without You

MY KAMER HET GROOT VENSTERS

k droom soms van ‘n kamer
met groot vensters wat uitkyk
oor oseane uitgestrek,
en eindelose horisonne
met saffiere uitgewerk.
Gryskopmeeue op my balkon,
En die reuk van sout
Soos die aand se mis naderkom.

Ek droom soms van ‘n kamer
met groot vensters wat uitkyk
op tonele van smarag,
woudbome verstrengel in nabootsing
van menslike gedrag.
Narina Trogon roep sy maat
langs ‘n waterstroom wat murmel,
en saggies-saggies met my praat.

Ek droom soms van ‘n kamer
met groot vensters wat uitkyk
op dolomiet kranse,
en ‘n almagtige son wat soos ‘n reuse robyn
agter sneeubedekte spitse verdwyn.
‘n Kransaasvoël sweef stil,
op die ysige berglug
wat denneboomtoppe laat ril.

Maar die kamer wat ek steeds verkies,
het groot vensters wat uitkyk
op ‘n beskeie tuin,
twee bont brakke wat uitbundig blaf,
en kwikkies jaag net omdat hulle mag.
Twee blondekop dogtertjies wat kristalhelder lag.
En ek rus tevrede in die wete:

‘n Huis is net vier mure
‘n ligging net ‘n plek.
Geliefdes skep ‘n tuiste
en gee ‘n venster nuwe werk.