|
CHILLI BRETZELS
MET BLOUKAAS
k
droom van bome wat chilli bretzels dra. Van varings wat groei
uit suurlemoenkonfyt. Van gordyne wat laag sweef oor huise en
voëls jaag sommer net vir die fun.
Ek droom van graslande met wuifende hande wat perde se mae
probeer kielie. Die perde is mal daaroor, hulle kekkel soos
ganse.
Ek droom van die goeie ou dae toe wynbottels nog tussen
roosmaryn gegroei het – vrylik beskikbaar. Toe mens nog jou
hartseer aan klippe kon verkoop het en jou pyn aan die Chilli bretzel boom kon verruil vir bloukaas.
Ek droom van die toekoms, laggende kinders wat mekaar gooi met
lugborrels vol liefde. Van couples wie se wortels saam stewig
groei in die grond in, soos dit hoort. Van Strelitsias wat skool
gee en kleurvolle prentjies in die lug teken. Van soekende siele
wat in ‘n houtkruis bly want dis al waar hulle veilig voel.
Ek sal droom van enigiets – solank dit net nie meer oor jou is
nie …
© Sandra Vaughn –
21 Julie 2005
|