|
DIE KURK POP EN
DIE GLASE WORD VOL
arilyn
Monroe klim op ‘n tafel in McGinty’s in Hatfield en maak almal
luidkeels stil. Sy begin met die vol glas bubbly in haar hand
hardop cheers:
“Is jy lus vir ‘n stukkie vis, of is jy bang vir die
rooikopslang?” Sy lag hardop en verloor amper haar balans.
“Wat?!” Sê Reneé Zellweger en kyk selfbewus na die klomp
studente. Marilyn is oortuigend en braaf: “Man, sê dit net, dis
iets lekker om op te cheers en die studente laaik dit. So ‘n
oulike rooikopoutjie het my dit nounet geleer”.
“Dit klink soos ‘n donnerse hoërskool chant.”
“Dit ís ’n donnerse hoërskool chant.” Sê Marilyn terwyl sy haar
weerbarstige krulle rondgooi en aan Mel Gibson haar skoen offer
om sy rooiwyn uit te drink.
“Gedra jouself!”. Sis Reneé en pluk die skoen uit Mel se
verstomde hande uit.
“Die man is ‘n katoliek en vader van vele.”
“Ek het al baie katolieke getem my hartjie, JFK was wel die
laaste maar definitief die moeite werd.”
Marilyn val van die tafel af.
Reneé sug moedeloos en help haar opstaan. Marilyn kyk haar
skielik diep in haar oë: “My engel, gun my dit, dit is al wat
vir my oor is. As Kurt Darren vanaand ‘Meisie, Meisie’ begin
sing net voor eenuur is dit ons almal se que om te waai, en tot
dan gaan ek my gate uit geniet. Capiche?”
Reneé skud haar kop en loop in Bles Bridges vas wat haar ‘n rooi
roos in die hand stop. Bles kyk haar op en af en sê
onseremonieel: “Meisiekind, jy’s nie baie mooi nie maar oom sal
anyway sy handtekening vir jou gee.” Hy skribbel dit op ‘n
papiertjie neer en stop dit in haar hand terwyl hy ‘Silent
Night’ neurie.
Sean Connery staan in die hoek – naby die bar – en lyk intensely
bekommerd. Timothy Dalton is besig om geweldig baie wyn op Steve
Hofmeyr se rekening te koop in die hoop om uit te vind of
Patricia Lewis se borste werklik haar eie is. Hy kon nog nooit
die ‘James Bond’ karakter geloofwaardig afskud nie. Sean is
superbang Timothy gee hul werklike identieit weg en besluit om
eerder ‘n paar tots met Joost van der Westhuizen te down. The
guy seems harmless enough.
Tom Cruise – die organiseerder van die hele set-up is nie gegooi
nie. Hy weet Sean sal nooit sy Skotse aksent kan onderdruk nie
en dat Timothy ‘n Shakesperean actor is wat maklik kan inblend.
Vanaand gaan Patricia bars … Hy maak ‘n bottel ekslusiewe
rooiwyn triomfantlik oop en drink sommer uit die bottel uit,
want hy kan.
“n Student strompel dronk in McGinty’s in en bestel vir homself
‘n bier: “Windhoek Light”, mompel hy en flick ‘n tien rand noot
na die barman. Sy aim is uit en die noot val op Sean Connery se
been. Sean tel die noot op en mompel in sy beste Afrikaans vir
die barman: “Gee vir die man sy bier.”
Die student glimlag vriendelik vir Sean om hom te bedank, en
verstar.
Dis fokken Sean Connery.
Die student besef hy het heeltemal te veel gedrink, en verskoon
homself lomp: “Uhm, sorry oom … uh Bond, oom Bond”. Sean lyk
seergemaak, die student gee eintlik nie om nie, hy het ‘n moerse
pis aanboord.
Hy mik vir die badkamer maar loop in Reneé Zellweger vas wat hom
indringend vra: “Het jy nie dalk nounet vir Marilyn Monroe
gesien nie?”
Hy double-take.
Hy weet nie wat hom die meeste uitfreak nie, die feit dat Reneé
Zellweger nounet met hom gepraat het, of die feit dat sy dit in
fokken Afrikaans gedoen het?
Die student sug dankbaar soos hy sy merk teen die silwer muur in
die toilet los.
“You carrying?”
“Huh?” Die student kyk op – en toe na regs waar die stem vandaan
kom en pis op sy tekkie toe hy in Brad Pitt se gesig vaskyk. Die
student besef hy moet fokken donners moerse dronk wees, maar
uiter tog: “Carrying what?”
“Weapons you asshole, Angelina Jolie is daarbuite, slaggereed om
my gat te skop. Moerse sexy.”
Die student kan sy ore nie glo nie, “Angelina Jolie? Hier in
Hatfield?! Not de fo…” Hy voel ‘n mes teen sy keel, die eienares
van die mes beveel hom kalm: “Skud jou meneer goed en sit hom
terug waar hy behoort. Ek en die man langs jou het ‘n afspraak,
met die dood, met fate of doodeenvoudig net met … mekaar.”
Die student gehoorsaam gedienstelik – soos enige mens met ‘n mes
teen sy keel gewoonlik doen – en loop bewend by die toilet uit
terwyl hy prewel: “Ange-fokken-lina Jolie het nounet aan my
gevat, my Boet gaan soooo jaloers wees.”
Die student loop bar toe en bestel ‘n dubbel vodka shooter. Hy
reken as hy genoeg suip vanaand gaan hy nog vir Britney Spears
ook ontmoet. ‘n Stem agter hom sê: “I wouldn’t do that if I were
you, vodka changes people.” Hy draai verskrik om en kyk in Kurt
Darren se gesig vas. Hy gil verbete en klap homself hard in sy
gesig. My fok, hy het actually Kurt Darren herken. Hy swets sy
Ma en haar verdomde Afrikaanse CD’s onderlangs. Sy oë volg Kurt
soos hy deur die studente crowd aan-amble tot op die klein
verhogie. Kurt gee die crowd sy beste Paul Newman kyk.
Iewers hoor die gehoor ‘n vrou wat soos Marilyn Monroe lyk gil.
Sy moet weet dis amper eenuur.
Die student probeer sy Boet bel om te sê dat Angelina en Brad en
super famous mense hier is maar sy selfoon kruip diep in sy
onderbroek weg.
William Shakespeare loop oor na Liza Minnelli toe en hou haar
gesig met liefde vas: “All the world’s a stage, and you dear
Liza is merely the tortured actress”.
Kathy Lette hoor toevallig die gesprek en maak haarself en haar
agent direk deel daarvan: ”If all the world’s a stage, mr.
Shakespeare then where the hell is my dressingroom?”
Kurt Darren begin oorverdowerend “Meisie, Meisie” sing, Marilyn
huil want haar nuutgevonde vryheid is weg. Angelina skop sommer
Paris Hilton se hondjie uit frustrasie uit en mompel vies dat sy
net voor kromdraai was. Die spul celebrities down hulle drinks
en volg Tom Cruise by die agterdeur uit. Mel Gibson stop om gou
vir ‘n foto saam met Patricia de Lille te pose.
Niemand sal ooit hierdie nag in Mcginty’s vergeet nie – veral
nie Joost nie, want hy’s ‘n moerse Sean Connery fan.
© Sandra Vaughn –
15 Junie 2005
|